НЛБ Тутунска банка за своите клиенти нуди пет платежни картички од програмата на MasterCard^® International.
MasterCard^® International е систем во кој членуваат 25.000 членки од 210 земји во светот, опслужуван со 900.000 банкомати и со над 32 милиони продажни пунктови во кои се прифаќаат картичките на MasterCard^®.

НЛБ Тутунска банка, како Principal member (Главен член) на MasterCard^® International им овозможува на своите клиенти да ги користат привилегиите кои ги нудат овие картички. Со својот настап на пазарот НЛБ Тутунска банка настојува преку картичната понуда да изгради култура на картично работење во Македонија и да ги приближи паричните картички до населението.

Каква картичка можете да користите?

Одлучете кој тип на картичка одговара на вашите потреби и начин на живеење и изберете една од картичките на MasterCard^® International што НЛБ Тутунска банка ги нуди за вас.

Maestro^® е наменета за широка популација, најфлексибилна во нaчинот на издавање.
Со Maestro^® картичката може да располага секој, започнувајќи од средношколската популација, па до пензионерите, а лица помлади од 16 години можат да користат овластена картичка.
Maestro^® е денарска картичка со меѓународна важност. Со Maestro^®  картичката секоја безготовинска трансакција над 1.500 МКД можете да ја платите на 3 или на 6 рати. За трансакциите од 1.500,00 до 6.000,00 МКД кои се плаќаат на 3 рати, не се пресметува камата. На банкоматите на НЛБ Тутунска банка користењето на картичката е без провизија, како и безготовинските плаќања насекаде во светот.
Maestro® картичката е поврзана со вашата тековна сметка со можност за дозволено пречекорување.

MasterCard^® Light е наменета за сегментот тинејџери и млада возрасна популација од 16 до 35 години, група иноватори и тренд сетери. MasterCard^® Light претставува младинска кредитна картичка и со неа можете да плаќате на сите продажни места во земјата и во странство каде е истакнат знакот на MasterCard^®. Тоа е картичка за која не е потребен депозит. Со неа секоја трансакција над 1.500,00 МКД реализирана на продажно место или при подигнување на готовина на банкомат може да се плати на 6 рати.

Standard MasterCard^® е картичка за широка популација, но за лица кои остваруваат редовни приходи. Имателите можат да ја користат картичката во земјата и во странство со одреден кредит - лимит кој банката го одобрува на корисникот во зависност од неговата кредитоспособност. Тоа е кредитна картичка за која не е потребен депозит. Со неа, секоја безготовинска трансакција над 3.000 МКД може да се плати на 6,12 и 24 рати на било кое продажно место со знакот на MasterCard^®.

MasterCard GoldCard™ е картичка наменета за физички лица, со која на корисниците им се овозможува голема финансиска флексибилност, комодитет и привилегии при користењето.
Тоа е картичка која се издава на корисници што имаат потреба да користат големи месечни лимити кои може да изнесуваaт до 250.000 МКД. Gold MasterCard™ според својот ексклузивитет, а од аспект на кредитниот и дневниот лимит, има третман на премиум картичка.

MasterCard BusinessCard™ е картичка која гласи на име на претпријатието, а можат да ја користат повеќемина вработени за различни цели, како за подмирување на секојдневни службени трошоци, така и за деловни патувања во земјата и во странство или пак за подигнување готовина на повеќе од 900.000 банкомати во светот. Со MasterCard BusinessCard™ добивате можност да патувате безгрижно и сигурно во кој било дел од светот.

Што Ви овозможува вашата платежна картичка-MasterCard^® International?
•  Да патувате безгрижно и сигурно.
•  Да бидете препознатливи во над 32 милиони продажни места ширум светот.
•  Да се чувствувате дoбредојдени во најдобрите хотели, ресторани, трговски центри, авионски компании, рент-а-кар агенции и многу други продажни места.
•  Да плаќате насекаде без провизија.
•  Да подигате готовина во банки и на повеќе од 900 000 банкомати во земјата и во странство.
•  Да купувате на рати.
•  Надвор од земјата да плаќате во странски валути, а трошоците да ги подмирувам во денари.
•  Дополнителни картички, колку сакате и за кого сакате

А, освен тоа...
•  Подигање готовина во секое време, на сите банкомати на кои стои знакот на MasterCard^®.
•  Подигање готовина со Maestro^® картичките на банкомати на НЛБ Тутунска банка, без провизија.
•  Мoжност за прецизно лоцирање на банкомати ширум светот преку интернет, секогаш кога патувате.
•  Информации, издавање и поддршка на корисниците низ 23 експозитури на НЛБ Тутунска банка.
• Можност за проверка на извршените трансакции со вашата картичка преку електронското банкарство на НЛБ Тутунска банка.

Што уште треба да знаете за вашата картичка?
•  Картичката се користи на сите места на кои е истакнат знакот на MasterCard^® International.
•  Со подигањето, секој корисник треба да ја потпише картичката своерачно, на делот на задната страна на картичката наменет за тоа.
•  Корисникот на кредитната картичка може да ги користи средствата расположливи на сметките на картичката, во рамките на лимитот, но и депонираните средства без каматни трошоци, со единствена можност картичката да добие функција на дебитна картичка.
•  Корисникот на Maestro^® картичката може да располага со средствата на тековната сметка во Банката која се отвора за таа намена.
•  За сите направени трансакции во земјата или во странство, корисникот се задолжува во денари.
•  Месечни извештаи се доставуваат по пошта со рок за плаќање од 15 дена.
•  По истекот на рокот на важење, картичката треба да се врати во матичната експозитура.
• Замена на картичките се врши доколку се исполнети Општите правила и услови за користење на картичка, како и потпишаните договори или доколку корисникот не ја откаже.
• Овозможена е 24-часовна служба за поддршка на корисниците на тел: +389 2 3219 517.

Како можете да ја заштитите вашата картичка?
• Заштитата на картичката, пред сe, ја обезбедува самиот корисник, а дополнителна заштита овозможува ПИН кодот.
• ПИН кодот служи за лична идентификација и заштита при подигање готовина од банкомат, во банка или при вршење на некои безготовински плаќања низ продажната мрежа.
• ПИН-от се изработува за секој корисник посебно и му е познат исклучиво на корисникот на картичката. Заради тоа потребно е да ја обезбедите тајноста на ПИН-от.
• Крајно небезбедно е запишувањето на ПИН-от на картичката или неговото чување близу картичката. Најстрого е забрането позајмување или давање на ПИН-от и на картичката на друго лице.